وصلني إيميل وحبيت أشاركه معكم  كنت اتمنى لو تقرب الصورة من عند الخلف عشان نشوف إسم الماركة واضح , ولو صادف وقريتي التدوينة يا صاحبة الموضوع ياليت تعطينا صور أقرب :$ ..
و ما أدري مين كتبته لكن وصلني و أترك الحكم والتصديق لكم ..

المـصدر / الإيــميل
_________

السلام عليكم ورحمة الله وبركاته

هلا بنات كيفكم

ماطول عليكم اقول لكم سالفتي بختصار اختي حامل وراحت تشري بلايز حمل وراحت لمانجوا وشرت بلوزه حمل بميتين ريال وفوق وكشخت بها وبعد اسبوعين تقريبا رحت الهرم وانا أفرفر به لقيت نفس البلوزه قميص والسعر خمس وثلاثين اريال والله الفرق , واختي ماتت قهر وأنتم وش رايكم بالماركات اللي لاعبين بعقول الحريم وهذى الصور والله قهر الحريم مساكين

إضـــــــافة جيدة من أســــيل  :

السلام عليكم
سوري بتكلم لاني تعبت وانا اقرا وساكته
امممم ساعات اصدق هالكلام
بس ع قد ما رحت هالمحلات عمري ماشفت شيء زي كذا ياناس صح لاعبين علينا الماركات باشياء كثيره ان اسعارهم اغلى من برا وانهم ما يجيبوا كل الكولكشن وانهم يفصلوها بالهند والصين وغيره
بس والله اللي عندها نظر تشوف الفرق بين اللي ب10 واللي ب100 الفرق يبان بعد كم لبس وغسله بالقطعه ماانكر انه ساعات الغاليه تخرب من اول غسله هنا نقول غشونا لكن باللون والموديل اوكيه لكن نوعيه القماش والخياطه اكيدغير فيه فرق
يعني باللي البلوزه اللي من مانجو تصبر معاك كم شهر واحيان اكثر من سنه لكن القميص اذا طول من خامس غسله بتودعينه
شفنا انواع واشكال الغش بالماركات وقرينا فضايحهم ولسى فيه ناس تشتري منهم مو معقول كلنا مخفه اللي نشتري اكيد ملاحظين الفرق
لما تشتري شوز اللي يكرمك من ستي ماكس والا الهرم وشوز من نيو لوك اوزارا او اي ماركه معروفه كم يصبر معاك هذا وكم هذا اوكيه عالشكل ممكن تلقي متشابهين لكن مريحه؟؟؟ تصبر معاك؟؟؟ بالنادر تحصلي شيء هذا اذا كنتي مره محظوظه
اسفه حنو بس من قهر مافيني المدينه اللي اانا فيها مافيها ماركات واو ولما اسمع عن فضايح الماركات اقول انا اشوف الفرق بين وبين يعني لما اروح الماركه مااشتري ع عماي حتى لو هي ماركه بشوف نوعية القماش والخياطه وقصتها كيف يمكن بحكم تخصصي يهمني هالشي اشوف طيقه غسيلها ولا اعتمد هالشغالات بهالشي الا لما اغسل القطعه عندها كذا مره علشان تعرف كيف والحمدلله القطعه اللي اشتريها ماركه واحافظ عليها تصبر بالسنوات احيانا وبدون مبالغه غير اللي من الهرم وطقتهم والله خير وبركه مرتين لبستهم وعالزباله اللي يكرمكم
ما بنجري ورا مشاعرنا وضحكو علينا ومن هالخرابيط يعني باللهي قبل كم يوم محصله وحده تعرض ميك اب لماك ومعروفه انه غالي حبيتي الاساس ب22 ريال والبلاشر ب22 ؟؟؟ خير من متى الاساس والبلاشر نفس السعر لا ولو انك عروس اشتري مادري كم قطعه كل الميك اب كامل بالفرش وغيره اللي تحتاجيه وزياده ناسيه كم قطعه سراحه ب1600 وشيء
ولو وحده قريت عن فضايح الماركت بتقول بشتريه مو كله تقليد حتى اللي عند فيسزز ومحلات معروفه ويا بلاش
استوب يا بنات هذي بشراتكم مو لعبه والعطور اوكيه اشتري من الرخيصه ياناس باين وربي تفرق
من حر مافيني كتبت وانا توني صاحيه من النوم بس انا مااشارك بمنتديات ولا غيره ولما اشوف انقهر احيانا ودي اسجل علشان بس اتكلم وشكلي ناويه
سامحيني حنو للمره ثانيه بس لاني اعرف كثيييير يدخلون مدونتكم يمكن توصلهم الفكره ماانكر انه الازمه الماليه خلتنا نصدق اكثر هالاشياء وعاطفتنا بس ياليت اللي حطت الصوره كرفت البلوزه والقميص ووبعدين ورتنا ايهم ومن قريب :)والخياطه اللي داخل بعد نشوفها لون القماش وموديله ما يحكم
وتقبلي مروري وثقاله دمي وطول تعليقي ادري كررت كلامي كثير بس معصبه