U T U R N F A S H I O NU T U R N F A S H I O N

أنثى فقط ..

حــنان
_______

السلام عليكم ورحمة الله وبركاته

نفتقد هذه الأحساس أحيانا , نتيجة لظروف الحياة الصعبة ..مشاكل أو جفاف البيئة , أو حتى جفاف المشاعر ..
و غالبا إرتبطت صورة الأنثى بطريقة إغراء للرجل فقط ..! يمكن هذا خلى البعض يتراجع فيما يخص الأنوثة لو كانت عزباء ..!
ولو انه ما اشوف له علاقة ضرورية مع الرجل بمعنى لو كان مو موجود يعني ماله داعي أتدلع و أتأنث <لا عاد تكتبين فصحى ههههههههه

الشيء الثاني أتخيل منظر وحدة دلوعة …أول شيء رح تلاقي إستهزاء فيها أقرب كلمة بتنقال لها وهي كلمة فعلا أكرهها هي (وش تحس به) مع التشديد في نطق (به) دلالة على الإستسخاف والإستهزاء ..

اللي ما نبيه الإصطناع بطريقة مبالغة ..

في نفس الوقت أقول الدلع بداخل كل وحدة فينا لكنه ماهو فطره يعني وانا توي طالعة من بطن أمي امسك قرعتي وأتدلع !
اللي فطرة هو الحياء اللي يخلينا بالتالي نتدلع ..وهذا اللي بداخلنا ..
أو الإحساس بأننا مرغوبين من شخص معين الزواج مثلا ..
المرأة تنجذب للرجل غالبا عشان رغبته فيها وبالتالي تحس انها مرغوبة فتظهر الأنوثة شاءت أم أبت ..!
الدلع بإختصار فـــــــن =)

فخلينا مع بعض نتعلم هالفـن لنفسك أو لحياتك الزوجية أو لبعدين

1- مشـية الغنج :

في نساء مشيتهم تكون عسكرية أو سريعة أو فيها شيء غلط زي المشية غير المباليه أجيب لكم مثال عليها بعد شوي..
بين البنات ومجتمعنا إمشي بالطريقة اللي بنتعلمها  وأما  بالشارع انتي حرة أكييييد بس ما أضمن لك توصلين البيت بدون أي إزعاجات , أقلها همسة وأكثرها لمسة
برى …الغابة لوووووول من جد لو ما كنتي وحشة أكلوكي بلقمة وحده شغل النعومة بالشارع ما يمشي وضعه ..

قواعد المشي:
-محد يركض وراكِ ! خففي من السرعة وبنفس الوقت لا تمشين على بيض , وإحذري المشية العسكرية..
-إعدلي ظهرك ع ورى و إشفطي بطنك ع جوا ..مو لدرجة ما تتنفسين لا دخلي ع جوا مع عدلة الظهر , لأن هذه هي الوقفة الصح حتى انا اطفش اوقفها بس هذه هي الطريقة الصح (ولسه قاعده اتعود عليها) حتى تبان ملامح الجسم و صدرك يطلع شكله حلو ..
-ماهو شرط تتقاطع رجلينك مع بعض مررررررة خليها شبه تقاطع بإختصار لازم تتمايلين وانتي تمشين ليه عندك حوض <شوفوا التفسيير هههههه
يعني الحوض لازم يتمايل ..

تمرين المشي :
إرسمي خط مستقيم في الأرض أو اذا كان عندك في الأرض رخام أو بلاط إتبعي الخط المستقيم وخلي رجلينك ما تطلع برى الخط أكيد ما رح تمشين بعدين بنفس النظام بالضبط بمعنى ما تطلع رجلك برى الخط ولكن رح تعودك تمشين بشكل طبيعي , وبينما يدك حولين خصرك لاحظي الحوض كيف يتحرك يمين ويسار و هكذا ..وهذا اللي المفروض يحصل في المشية حقتك ..

2- صــوت ناعم :

تبغين تعرفين كيف صوتك ناعم أو لأ , إفتحي التسجيل بالجوال او الكمبيوتر وسجلي صوتك .. وإسمعي !
بما أننا بنات كلناا بلا إستثناء نقدر نحصل صوت ناعم , كل اللي لازم نسويه هذا :
*حاولي قد ما تقدرين ما ترفعين صوتك كثير او تصرخين , خليه هاديء قد ما تقدرين و يعني لا تسرعين في الكلام عطي كل حرف حقه ..
*التدخين مرة سيء من ناحية الصوت لأنه رح يأذي حلقك , و رئتينك , و أنفك , ويسبب سواد للشفايف و برضو يخشن صوتك ويسبب تورم , وإلتهابات وما ننسى السرطان.
حتى لو تلاحظين أصوات المدخنين خشنه ..
*بعض الأدوية حقت الحساسية أو حقت الإحتقان تسبب جفاف لحلقك و برضو للأوتار الصوتيه حقتك كمان الكافيين يسبب هالجفاف في الحلق وبالتالي صوتك يطلع غريب, في هالحالة كثري من شرب الموية و لما تنامين خلي جنبك قارورة موية عشان لما تعطشين تروين عطشك لا تنتظرين لحد الصباح وتعودين حلقك على الجفاف.
*النحنحه (تنظيف الحنجره) : هذي صحيح لها فوائد لما تشرقين أو شيء , لكن اذا كانت عادة فيكي إنتبهي لأنها تسبب ضرر للاوتار الصوتية !
*اللحميه : ممكن تلعب دور كبير في التأثير على صوتك , سوو يبغالك تشوفين اذا هي عندك أو لأ حتى تتخلصين منها ولا تنسين انها تسبب شخير لك واللي حنتكلم عنه اللحين.
*الشخير مدري لو كنتي متزوجه ممكن يأثر شوي يعني حلو يكون شكلك نايمة بهدوء وبنعومه وفجأأأأأأة يطلع صوت الشخير المرعب طبعا انا ما اقول هالكلام الا لأن الشخير بحد ذاته خطير ولازم ينشاف له حل لأنه ممكن يسبب إنقطاع النفس عنك وانتي نايمة أو الجلطه (بعيد الشر عنكم)..


3- لسانك ينقط سكر :

وطبعا هذه تكلمنا عليها في تدوينه كاملة اللي هي السناعة , أجمل شيء في البنت انها تكون مضيافة وتعرف ترد ع الناس وتتصرف يزيد من أنوثتها , بدل ما تجلس مبلمه ماهي عارفة وش تسوي ووش تخلي خلاص من يوم صار عمرك 15 انتي كبيرة المفروض تعرفين هالأشياء ع الأقل لما احد يمدحك تعرفين وش تقولين ..

السناعة – دليلك لحياة سعيدة =)
وصحيح حاجه مهمة , اذا عجبك شيء ما تقولين واووووووووووووووو مرة يجنننننننننن وش ذااااااااا الشيء الخطير والخ ..
وتنسين تقولين (ما شاء الله تبارك الله ) عودي لسانك ع هالكلمة اول ما تشوفين شيء حلو لأن العين حق , شخصيا مؤمنه انه مستحيل يصير لك شيء لو انتي تحصنين نفسك وتقرين الأذكار ومؤمنه انه الله فعلا يحميكي , في بنات تقول انا اقرأ ومع ذلك طقوني عين , أيوا لأنك لسه خايفة من العين ما آمنتي بالكلام اللي قريتيه وما أحسنتي الظن بربي انه فعلا رح يحميكي لأنك لجئتي له , أنتي ما لجئتي لناس أو تخبيتي في بيتك إنتي لجئتي لـ الله اللي خلق كل هالكون , سوو حقيقي ماله داعي خوفك ..
حتى لو بتجاملين احد , قوليها ما تضرك شيء في ناس يرتعبون وعندهم هلع , خلاص ما قلتي كذا يعني انتي حسدتيهم اكيد حتى لو كنتي تجاملين ما رح يدرون لذا طمني بالهم و إذكري الله , عشان نفسك وعشانهم ..


4- الأكـل :

شخصيا عندي عقده في الأكل هههههههه ما أحس انه القطع الكبيرة ممكن أقدر أكلها او الساندويش أفضل اقطعها  حتى أقدر أكلها ليه؟ أحس لأن فمي صغنوني ما رح أقدر أكل أدري ماله دخل بس هذا احساسي ولا لما أكل برجر , لازم اشيل الطماطم والخس وبعدددددددين اكل لكن فرضا تقدم لي حاجة فيها طماطم وخس ! احس بورطة ماهي طبيعية بعض الاماكن ما تقدرين تحركين في الأكله شيء , قاعدة أحاول اعود نفسي ابطل الحركات البايخة هذه بس ماش , المهم نرجع لموضوعنا بالنسبة للأكل لا تفتحين فمك وإنتي تاكلين ابدا لو أكلتي شيء وما عجبك أبلعيه بسرعة لو ما ينبلع هاتي منديل وبسرررررررررررعه غطي فمك وطلعيه بدون محد ينتبه لو في أحد بينتبه هاتي كاسة موية و إبلعيه بسرعة ..
الأفضل ما تتكلمين عن فقدان الوزن وانتي تاكلين خصوصا لو كانوا ناس انتي رايحه لهم , لكن فرضا جالسة مع خالاتك او عماتك وتمونين عليهم عادي خذي راحتك ..
لو في احد كلمك وانتي جالسة تمضغين حاجة , حركي رأسك وناظري في الصحن (كلها حركات تشتيت لين تمضغين اللقمة) وبعدها أكيد حتكونين خلصتي ردي عليها ..
وصحيح بالنسبة لكلامنا عن الدلع ليه في ربط بين انه البنت الدلوعة مستحيل تدخل المطبخ؟ او انه اللي تعرف تطبخ مستحيل تكون دلوعه نتخيلها ريحتها بصل وشعرها منكوش , ليه كذا ..الكلام هذا مو صحيح أبدا مو معناته انتي دلوعه يعني ما تعرفين تطبخين أو العكس صحيح !! اصلن كون انك تجمعين هالشيئين تكتمل أنوثتك ..
إيش أحلى من انك تكونين مسوية سفرة تجنن و جالسة بكل أناقتك عليها ..! احيانا تقولين الوقت وما ادري ايش , نفترض انك تشتغلين اوكي , عندي لك طريقة سريعه قطعي كل شيء وحطيه بالثلاجة وقت ما يجي التحضير حتلاحظين انه انشال عنك شيء كبير من الشغل ما عليكي الا بس تحطينه ع النار !
و ما ننسى انه احنا في 2009 يعني في أشياء كثيرة سهلت علينا في المطبخ ليه تقطعين البصل وفي فرامه , و ليه تقلين البطاطس وفي آلة لها تقطعها وكمان تقليها , و ليه تخلطين وفيه الخلاطة الآلية حتى لا تمسكينها شغلي وإنتهينا , وغسالة الصحون .. وحاجات ثانية غيرها ..

5-الإلتفاته :

فرضا أحد ناداكي , وش بتردين …
(هاااااااااااااااااااااه , طيب طيب )
( خيرررررررررررررررر )
( وش تبيييييييييييييييييييين )
بكل بساطة قولي هلا ؟ سمي وش بغيتي؟ أمري ؟ < هذي مو دلع؟ ..بدل الصراخ اللي فوق لوول ..
واذا تبين تشوفين شيء وراكي اللفته الأنيقة تخلين كتفك وجسمك زي ماهو بس تلفين رقبتك مع تحريكة بسيطة لجسمك , اما لو تلفين بجسمك كله عشان تشوفين شيء وراكي هي اوكي عادية بس اذا بغيتي تصرفاتك تكون أنوثية هذه هي الطريقة ..

6- اليدين وسحرها :

عشان تحصلين على يدين ناعمة هاتي ليمونه وإعصريها وحطيها في طاسة موية دافئة وحطي يدك و اظافرك فيها لمدة 10 دقائق او 15 دقيقة , أكيد انتبهي اذا يدك تتحسس من الليمون! بكذا يدك تصير ناعمه و شكلها يفتح النفس , إحرصي ع تهذيب اظافرك و الإعتناء فيها .. والمناكيرررر يا هي حلووه ع اليد , ترى مو لازم نحطها بس في أوقات معينه! بالعكس مافيها شيء لو حطيناها وحنا طالعين لبيت احد او معزومين ..توضي وما عليك الا الخير .. اكيد الطلعات اغلبها تكون بعد العشاء يمكن من المغرب .. توضي للصلاة وحطيها وإستمتعي فيها لـ 7 ساعات ع الأقل , واذا رجعتي أقرب قطنه و مزيل مناكير وتنشال ماهي صعبة مرة ..
وتحريك اليدين إنتبهي لها النقطة لما تمسكين كاس أو تسلمين على أحد (يكون بحرارة) و لا لما تأشرين ع أحد كلها خليها بشكل مناسب ..

7-الشعر , نص جمال المراة :

وفعلا أتفق مع هالكلام في تسريحات معينه تخلي شكلك نعومي  و أنثوي , خصوصا لما يكون مسدول عليكي و الغررة(القصه)  أثرها ع الوجه فضييع تنعمه مرة وتصغر حتى !
واما لو كان طايح ع وجهك طول الوقت ممممم مو حلو كل شوي تشيلينه من وجهك , اذا مزعجك شيليه منتي مضطرة تطيحينه ع وجهك بشكل مزعج , اذا شعرك طويل حطيه ع جنب واحد مو ربط لأ هاتيه مثلا ع اليمين يطلع ناعم عليكي أو الجدائل (الظفائر) الجانبيه ع الشعر مرة ستايل وشكلها حلوو , او نص رفعه بعض الناس تطلع عليهم ناااعمه ..
وريحة الشعر , عندنا من نكتار روائح تدوووخ للشعر برضو جربي البودي شوب ..حاجات حلوة جد وناعمة ..
ع الطاري الفواحه في الغرفة فكرة مرة تجنن و تزيد من رقتك ويكفي ريحة الغرفة الحلوة ..

8-المكياج :

نرجع للمتزوجات , كثير كثير من الأزواج ما يحبون الميك اب , واذا حبوه بغوا خفيف مرة ..يعني احمر شفايف و كحل و ماسكرا (ذوقهم كذا) يبيك طبيعية يعني إنسي موضوع الفاونديشن (الاساس) ما اتخيل المنظر يمسك وجهك وتبقع يده ..

it is a turn off
زي ما يقولون يكون متوقع شيء وفجأة يطفي ..
مش حنتكلم آوي في الموضوع ده نخليه مرة ثانية =)

لذا في البيت حطي أحمر شفايف او لابيلو في جيبك منها يرطب شفايفك ومنها حلو عليكي , اذا صحيتي الصباح وما عندك شيء وعندك زوجك بالبيت تزيني وإرسمي حواجبك عشان تشوفين أنوثتك بس هالمرة حتشوفينها في عيونه مو بس من المراية ! أصعب إحساس انك تتزينين للناس وهو اللي المفروض يشوف جمالك ما تتزينين له ..
(استغفر الله بعضهم ودك تنفضينه نفض نظام البجامة السعودية وكشه منفوشه و ريحه تغم  يسد نفس الوحده عن أي شيء بس هو عشانك مو بس عشانه )
و لا تهملين بشرتك ابداا , ألزم ما عليكي البشرة مش المكياج و الأساس ..! في طريقة حطيتها في التويتر للي يتابعوني برجع اقولها لكم هنا..
لو بغيتي تشيلين الحبوب السوداء , هاتي بياض بيض وحطيه ع بشرتك لحد ما يجف تماما .. بعد كذا هاتي فرشاه اسنان و فركي فيها وجهك (إنتبهي لو وجهك حساس) المهم لو ما رح من أول مرة كرري بياض البيض ع مكان الحبوب السوداء ..فوائد هالقناع يشد لك البشرة ويعطيها نضارة وبعض الأحيان يبيض ..

9-تعنيف اطفالك :

صحيح الأطفال يجنونا ويهبلون فينا , لكن ان جينا للصدق هم زينه الحياة الدنيا ووجودهم يدخل السعاده ع قلوبنا ..مدري لو تشوفون برنامج إسمه “ذا ناني” ع قناة ام بي سي 4 ..المربية اللي تجي تربي الأطفال .. كم مرة قلتوا ودنا نجيبها عندنا هههههههه .. منظرك كأم يهتز لما تصفقين الطفل كف أو تهزينه او تضربينه ..! او حتى أقل شيء تصرخين عليه زي المجنونه ..! تخيلي تسوين كذا كمان قدام زوجك …وحش ما أشوف غير كذا! كيف طفل يخليكي توصلين لها الدرجة من الجنون !؟ هو طفل بس انتي إيش؟
الطفل يتأثر بأول 7 سنوات من حياته وهذه مثبته وتقدرون تبحثون عنها حتى نلاقيها في حديث الرسول عليه الصلاة والسلام

((علموا أولادكم الصلاة إذا بلغوا سبعا ، واضربوهم عليها إذا بلغوا عشرا ، و فرقوا بينهم في المضاجع))

Friday, 18 September 2009 في الساعة: 1:32 pm. تحت الصنيف: الصحة, العناية بجسمك, ستايل. يمكنك كتابة تعليق , أو التعقيب من المواقع الأخرى. التعليقات مغلقة لكن يمكنك التعقيب من المواقع الأخرى.