حبي شعرك …يحبك ! [كلام موسع عن الشعر - الجزء الأول ]
الشعر
السلام عليكم ورحمة الله وبركاته
“حبي شعرك ..يحبك” ..هذه مقولة خالتي لوول .. زمااااااااااااااااان قبل طعشر سنة لول , كنت صغيرة DUH جلست مع خالتي وانا ابكي ..
قلت لها اكره شعري !! انا الوحيدة اللي في المدرسة اللي شعري خشن كل البنات شعورهم ناعمة ..
( طبعا في نهاية سنوات الابتدائي ..شفت بنات الله لا يوريكم ..قلة ادب لسان يجرح , يعني يجوني في وجهي يقولون ما نبغى نصادقك شعرك خشن هههههههههههههه )
وكنت احس نفسي بشعة عشان شعري , اللي يزيد الطين بلة انو انا الوحيدة من عائلتي اللي كذا شعري المشكلة وين انه شعري بالذات ما كان بها الطريقة وانا صغنونة ..كان كيرلي نعومي بطريقة عبثية كيوت ولونه احمر…مدري وش قصة ام الهرمونات اللي حاست ام الشغلة و قلب لونه و تغيرت طبيعته 
كذا من الله .. لول تقريبا طبيعته الحقيقة زي كذا
.. المهم ناظرتني خالتي وقالت ” حبي شعرك ..يحبك “
من ذاك الوقت وانا اطبق هالشيء , بمعنى انه فعلا صرت احب شعري ..يمكن أول شيء ينتبهون له الناس لما يشوفوني شعري , صادفت كذا مرة أحد يسألني عن قصة شعري , أو كيف سويته كذا , او وش لونه .. عشان كذا تدويناتي اللي ممكن اكتب فيها واتوسع اكثر هي عن الشعر لأنه مجال إهتمامي ..
ويمكن لما يقولون الزيت السحري والكريم العجيب ..ما احب اسمع هالأشياء لأني مريت بها الفترة في حياتي لما ما بقى كريم ولا بقى زيت ولا بقى حنى من اي نوع ولا بقى عطار الا مريت عليه ..لدرجة لما احد ممكن يقول لي عن زيت اقول ايه جربته ما فاد معي ..
ليه ما فادت هالأشياء طيب؟
لأنه هذه طبيعة شعرك ..انتي قاعدة تحاولين تغيرين طبيعة تطلع من جذر الشعرة وهذا شيء مستحيل ..اوكي ممكن ترطبين شعرك , اوكي ممكن تغذين شعرك ..لكن تغيرين النوعية حقته مستحييييييييييييييل ..!! هذه قناعة لازم نوصلها نتقبل شعرنا ع اختلافه خشن , ناعم , كيرلي , افرو .. هل معناته أطلع الشارع وانا شعري منفوش؟ لأ .. مو هذا اللي اعنيه , اللي قصدي فيه انه نتقبل طبيعته ونشتغل عليها …وع فكرة لا اللي شعرها ناعم مرتاحة ولا اللي شعرها خشن ..في سلبيات وفي ايجابيات ..
مثلا اللي شعرها ناعم ما شاء الله تطلع من الشاور وتعيش حياتها طبيعي , لكن اذا بغت تسوي حركات فيه يعي يمسك معها في تمويجة او رفعة معينة ..!
و اللي شعرها خشن تطلع من الشاور , يمكن تحبس نفسها ساعتين ..بعدين تعيش حياتها طبيعي , لكن اذا بغت تسوي حركات وتمويجات و استشوار يطلع عليها ما شاء الله يجنن مرة
في هالتدوينة , خلينا نخصصها عن الشعر ونتكلم عنه شوي ..
أول شيء الإستشوار :
أحسن شركة تصنع للإستشوار هي اللي انتجت ( الاستشوار البنفسجي) زي ماهو متعارف إسمه بين الناس ..
بس للأسف اللي طالع اللحين منه أكثره تقليد ! ولا تصدقينهم حتى لو قالوا لك هذا أصلي ..
الأصلي من ماركة tescom اليابانية .. لما دخلت موقعهم مالقيت حتى شكل الاستشوار البنفسجي , يمكن والله اعلم قطعوه لأنه طلعت بعدها منتجات ثانية من تسكوم ..
اللحين أحسن المنتجات اللي شفتها من تسكوم ع حسب درجة الواط (درجة الحرارة)
- Hot Air Brush / TS501U
معلوماته انه 700 واط , اتوقع يا انه اعلى من البنفسجي يا نفسه , لأنه هذاك يا 650 يا 700 ..نسيت ياليت وحدة تأكد لي لو معها كم واط هو؟
يجي منه لونين يا احمر يا ازرق , وميزته نحفه يريحك في المسك , وما يجي معه الا فرشاة وحدة بس ! عكس اللي نشوفه في السوق..!!
-Hot Air Brush / TS741U
صناعة يابانية , 700 واط ..فيه 3 درجات ..إغلاق , بارد , حار ..اللون المتوفر منه بنكي , فرشاة وحدة بس..
-Hot Air Brush / TB61U
هذا منه نوعين .. اول نوع اللي هو يجي معه فرشاة وحدة و حرارته 700 واط ويجي معه زر ثاني 350 واط لو بغيتي حرارة قليلة ..و يجي لونين يا زهري يا ازرق..
برضو صناعة يابانية ..
-Hot Air Brush / TB63U
هنا هذا النوع الثاني منه , الفرق الوحيد انه يجي معه فرشاتين وحدة اللي شايفينها , والثانية النحيفة برضو محطوطة في الصورة ..
-Ionic Hot Air Brush / TIC300U
وهذا 700 واط , أداء عالي , تصميم جديد , في منه زر ثاني لحرارة اقل 350 , لونه فضي ..صنع في اليابان ..
هذا عنوان المكتب الرئيسي للشركة
TESCOM & CO., LTD.
TESCOM GOTANDA BLDG., 5-5-7 NISHI-GOTANDA, SHINAGAWA-KU,
TOKYO 141-0031, JAPAN
وهذه معلوماتهم
Phone:(+81) 3 5719 2096
Fax:(+81) 3 5719 2086
e-mail:kaigai@tescom-japan.co.jp
ما ادري اذا في احد يحبنا ويحب يجيبها لنا من برى وحنا نشتري ترى عادي هههههههههههه اذا وحدة فكرت وعجبتها الفكرة تقول لي عشان اضيف معلوماتها لها التدوينة وناخذ الاستشوار من مكانه الرئيسي لأني فعلا فقدت الثقة في المحلات اللي عندنا ..!!
في بنات يحبون يستعملون الاستشوار مجفف الشعر اللي يستخدمونه في المشاغل , ما شاء الله عليهم بصراحة يبغاله مسكه صح وهم يقدرون عليها ..
هذي عاد اساسا حرارتها عالية تقريبا فوق الـ 1000 واط ..لذا كويسة , بس تفرق في متى يخرب بالضبط ..
شفتوا البنفسجي اللي منتشر بين الناس , لأنه تقليد ..حده 6 شهور لحد سنة ..وبعدها يخرب تماماااااااااا …!!
اوكي اذا تبغون شيء يمشي الحال وكويس ما عليه انا استعمله اللحين الواط حقه 700 إسمه Rebune او انها اسم الماركة ..ع فكرة هي ماركة عربية بس مدري ليه يكتبون بالانجليزي ع العلبة ..لما رحت دورت عليها لقيت لهم موقع شوفوه ..
http://www.rebune.com
بالنسبة للإستشوار اخذته من محل “درعة” وهذه صورته
ومحل درعة النصابين عطوني اياه بـ 160 !! وهو سعره في الموقع 100 ريال ولو شريتوه من الموقع كاتبين سعر الشحن 8,98 قولوا 9 ريال !
يعني لو اخذتوه من الموقع يوصلكم بـ 109 ريال ..! كم وفرتوا حق النصب 51 ريال ..!!
لــي تابع باذن الله بكرة ..
Wednesday, 21 October 2009 في الساعة: 12:38 pm. تحت الصنيف: الشعر. يمكنك كتابة تعليق , أو التعقيب من المواقع الأخرى. التعليقات مغلقة لكن يمكنك التعقيب من المواقع الأخرى.
يسلمو حنوونه معلومات مفيده مرره
:)
يعطيك العافيه
الف شكر حيآآتي موضوع مره مفيد
وأنآ اقول ليش استشوآري يخرب بسرعهـ
اثرهـ تقليد =)
حماااااااااااااااس
، قالت لها مرة أخو صحبتي : لا .. هي مدري إيش تسوي فيه ، لو طبيعته كذه راح تنتحر 
:”"”(
بس يعاني من الجفاف !
أنا شعري كيرلي بطريقة عجيبة !!
كله مجموعة ” زنبركات ” مرصوصة جنب بعضها
والمشكلة إنه كثير كثير كثير جدًا ما شاء الله تبارك الله
في البداية كنت أكرهه ، كنت أحاول بأي طريقة إنه يكون ستريت وناعم وطايح على ظهري
في سنة رابع جامعة قررت إني أحبه ، صرت أحط له بديل زيت .. كريم مثبت .. جل أي شي بعد ما أتروش وأطلع الجامعة curly style
الناس الكلاسيك دايمًا يستغربوا من ستايلي ، وأذكر مرة كنت عند وحدة من صديقاتي ، فسألتني جارتها : إنتِ شعرك كذه ولا إنتِ تسوي فيه شي ؟
لكن في المقابل ، في ناس تنذهل من شعري ، وتسألني عن الطريقة الي ألفه فيها ، وانا أقول بكل فخر : هو طبيعته كذه ، ما أسوي شي أروشه وأخرج
لكن للأسف الشديد ، الجل وبديل الزيت وهذي الحاجات تخرب صحة الشعر تمامًا ، وفوق هذا شعري الآن طول كثير وما صار استايل الكيرلي يناسبه ..!
أنا أحب شعري وأبغاه على طبيعته ، تدرين الي يحزني ، إنه شعري أول ما أحط له زيت ومرطب وهو مبلل وأمشطه ، يكون شكله غجري يجنننننننن ، ناعم من الجذور ويبدأ بتلفلف مع الأطراف ولونه أحمر ، شكله روعة روعة ، لكن أول ما يجف شعري يصير شي منفوش ومنظره سيء جدًا ! لازم ألفه وأكوره 6 كور
.
.
تدرين ليش كذه ؟ ، السبب هو جفافه الشديييييييد ، يشرب الزيت شررررب وينشششششف ، مرة بنت خالتي شافت كمية الزيت الي أحطها وانصدمت ! قلت لها تعالي بعد كم ساعة كأني ما حطيت فيه قطرة زيت وحدة !!
طبعًا أنا أسبوعيًا أستخدم حمام زيت ، أتوقع بدونه شعري راح يصير big trouble !
المشكلة الي مسببت لي أزمة نفسية وعصبية وحرامتني النوم .. كيف بسوي فشعري لما أتزوج :\
خطيبي مرة ما يحب ستايل الكيرلي ، وحتى لو اتقبله ، معقولة كل مرة أحط لشعري بديل زيت أو جل .. بيخرب تمامًا
طيب الحل في الاستشوار؟
كم ح ـقعد أستشور شعري ؟ ، طيب ليه أستشوره وهو شكله حلو
بليز ساعديني بأي شي عشان أحل مشكلة جفاف شعري ، يعلم الله قد إيش مسببة لي أزمة نفسية ومحطمتني تمامًا
تسلمين حنآن موضوعك جنأان مره ..
أنا احب شعري والحمدلله هو نص كيرلي يعني متموج بس مدري ليه مااحب طلتي بالجامعه وشعري كذا الا وابيه ستريت
مشكلتنا الحين انو انا وصحباتي نعاني من تسااااقط فضيع وبالنسبه للاستشوار انا عندي البنفسجي بش شكلو الاصل صار له معي 5 سنوات
انا بالنسبه لشعري مجعد بس مستحيل اطلع من البيت وانا مجعدته
لازم سيشوار وما تنفع معي النوعيات الخفيفه
لازم استخدم المجفف نفس اللي عند الكوفيرات
عوافي حنونهـ من جد صدقت خالتك حبي شعرك يحبك
اول اقول احسن اختراع بالعالم الاستشوار جربت تسكوم والهوائي واله الليس
شعري متوسط النعومة و
من شهر ذي الحجة الماضي ضحيت لوالدي الله يرحمه يعني توقيف 10 ايام شعرك لاتلمسية ولاتغسلية وكل واحد يفتي ع راسي لا تشيلين السكارف ترى اذا طاحت لو شعرة وحدة راح يخرب توقيفك ,, و حطي زيت حتى يمسك الشعر ولا حناء ولا سدر طول مدة التوقيف وحطيت كريم صانسليك ولفيتو بسكارف بعد هالعشرة الايام تساقط شعري بشكل مو طبيعي لحد ماخف شعر مقدمة الراس بالعربي صلعت >< وعلى طوول دكتور جلدية عملي تحليل دم طلع معي نقص حديد وصرفلي سيروم وبخاخ وفيتامين وشامبو وبسلم وجلسة اشعة بنفسجية و صارلي 5 شهور بتعالج الحمدالله
نبت شعري وتغيرت طبيعتو وساعدني ان لي سنتين موقفة الصبغة لحد مانزلت من شعري نهائي وكمان الاستشوار مااستخدمو الا اذا عندي مناسبة االحين من اخذ شور اجففو بالضغط بالمنشة بدون شد او فرك والف شعري بسكاري لحد مايجف 80% واحط علية سيروم من ويلا للمعان واقسمة لخصل والف بيدي يطلع روعه ولا يكش الحمدالله ~
كلامك كلة بمكانة انا أحب شعري بشكل هستيري أقصد اخاف استشورة يخرب أخاف أعرضة للشمس واجد أصلا ماعندي سيشوار بين ممتلكاتي ولكن فعلا قد ما اعطيته اعطاني والي تقول عيشي حياتك ولحاقة على العناية بالشعر أقول لها الشعر الي يطيح بالعشرينات كيف تتوقعية بالأربعين من عمرك…
وفقك الباري.
حنو اتوقع عندي نفس الاستشوار حقك ^^وناااسه لول..
انا بالنسبه لي شعري ويفي وسماكته خفيفه.. يعني بطبيعته يسوي ويفز من الاطراف بس كل يوم لازم استشور الغره ويضبط..
اذا ماستشورتها يجي كله على بعضه طاير من قدام..
احب سواليف الشعر لول..
وفعلا حبي شعرك يحبك^^
.
اتصدقين يوم كنت صغيرة بالعكس مبسوطة من شعري ناعم وحلوو
وكنت أرحم بنت خالتي شعرها ماااره خشن .. تسحبي الشعره لفوق توقف وتثبت مكانها كخخ
لكن الحين لما كبرنا والله شعرها جناااااان .. أحلى من شعري اللي صار اهو اللي يحزن
كلامك رآئع ومفيد جداً ..
بس أنا أعاني من مشكلة عندي تساقط فضيييييييع لدرجة شعري صار خصلتين ، فجأه كذا شعري صار يتساقط ، والله أن قلبي يتقطع .. جربت أخذت فيتامينات مدة شهرين ولا نفع .. من جد مليت وخصوصاً من قداام واضح أنه شوووي مررة ، أحس باقي لي تفة وأصلع .. بسم الله علي . . الله يعافيكم اللي عندها حل أو خبرة تفيدني .. لأن من جد الشعر أهم شي …. !
ما شاء الله عليك
بجد هالجزء جنان
وزعت نسخه على خواتي المراهقات .. وحدة منهم شعرها ناعم حيييييل ومضايقها ودايم تسب فيه لانو ماينتفش
والثانية شعرها شوي ينتفش وتبيه ناعم مرة زي اختها
هههههههههههه
الله يعطيك العافية
curly hair
بلييييييززززز .. ممكن تشرحين طريقة شعرك كيف تسويعا مع بديل الزيت وكذا لما كنتي بالجامعة .!!!
نونو .. وآصليي
يؤ اثاريه تقليد ..
وانا اقول لأمي الاستشوار لما كنت بمتوسط استشواره رهيب .. بس لما شريت واحد قبل كم شهر اتعب تحترق اذوني ويديني والعراده ما هبطت
قلت لها شكله موب اصلي تقول لي وش موب اصلي هذا هو من سنين نشتريه ..
تدرين انا بعد شعري كشه بس كشه على خفيف ومايطول وش السواة ؟
يهون علي شعري كشه وكثيف على الاقل كل التسريحات تضبط ..
على فكرة لقيت شي رهيب للشعر بقناة ام بي سي فور يا اني سعبلت على هالشي هو صح غالي بس يستاهل من يشتريه ..
بوريك له فيديوهات وانتي شوفي ..
http://www.youtube.com/watch?v=Y2-epq41OQQ
2-
http://www.youtube.com/watch?v=IxUkM3Qq-Mw
مميزاته انه يكوي بالبخار يعني بدال ما ينشف الشعر يرطبه ويكويه ومن كويه وحده بس يعني الخصله ما تعيدين عليها اكثر من مره .. وتعبينه مويه فيه قطعة دائرية هي اللي تعبينها موية ..
انا بشتريه قريب وبجربه ..
نسيت اقولك الف شكر على المدونة الرائعه والمفيدة لي زيارات وطلات كثيرة أكيد ..
شكرا كثييييييييير ع المدونة
بدون سكر من وين تشترين الالة اللي بالبخار خاطري فيها مررررررررررة